Kelgusi o‘quv yilidan bakalavr pedagog kadrlar tayyorlashni to‘liq davlat grantiga o‘tkazamiz — Shavkat Mirziyoyev
“Pedagogika yo‘nalishidagi oliygohlarni alohida yondashuv asosida rivojlantiramiz.
Kelgusi o‘quv yilidan:
bakalavr pedagog kadrlar tayyorlashni to‘liq davlat grantiga o‘tkazamiz;
magistraturada esa, kvotalar 2 karra oshirilib, to‘liq davlat hisobidan bo‘ladi;
kadrlar yetishmaydigan, ta'lim sifati og‘ir maktablar oldindan tanlanib, ular uchun maqsadli davlat buyurtmasi joriy qilinadi. Bunda, buyurtma asosida o‘qishni tamomlagan yoshlarga, ushbu maktablarda borib ishlashlari uchun jozibador rag‘batlantirish tizimini yo‘lga qo‘yamiz.
Pirovardida, 2030 yilga borib bog‘cha tarbiyachisi ham, maktab o‘qituvchisi ham faqat va faqat oliy ma'lumotli bo‘ladi”, – dedi nomzod.