Jurnalistlar, OAV vakillari va blogerlar diqqatiga!
Yangi oʻquv yili boshlanishi arafasida talabalarni turar joy bilan taʼminlash oliy taʼlim tizimidagi dolzarb masalalardan biriga aylandi. Hozirda talabalar turar joylarining sonini oshirish, turar joy oʻrinlarini koʻpaytirish boʻyicha hududdagi oliy ta’lim muassasalarida ham qator ishlar amalga oshirilmoqda.
Bu boradagi ishlarni, xususan, qurilayotgan va foydalanishga topshirilgan talabalar turar joylarini jamoatchilikka tanishtirish maqsadida jurnalistlar, blogerlar va OAV vakillari uchun 28–30-avgust kunlari Farg‘ona, Andijon va Namangan viloyatlaridagi oliy ta’lim muassasalariga press-tur tashkil etilmoqda.
OAV vakillari va blogerlarni ushbu press-turga taklif qilamiz.
Mazkur media tadbirda ishtirok etish niyatida bo‘lganlar bugun soat 18:00 ga qadar 93-506-24-59 raqami orqali murojaat qilishlari mumkin.