Iqtisodiyot va boshqaruv fakultetida “Ota-onalar forumi” bo‘lib o‘tdi
Iqtisodiyot va boshqaruv fakultetida bo‘lib o‘tgan forum avvalida ota-onalarni dekan Ilhomjon Sayfullayev qarshi oldi va fakultetdagi o‘quv jarayonlari, sport majmuasi, to‘garaklar, erishilgan natijalar bilan tanishtirdi. Institut rektori Sharifjon Ergashev ota-onalar bilan uchrashdi va ularga tashrif uchun minnatdorlik bildirib, institut tarixi va bugungi kuni haqida qisqacha hikoya qildi. Ota-onalar rektorga o‘zlarini qiziqtirgan savollar bilan murojaat etish imkoniyatiga ega bo‘ldi. Iqtisodiyot va boshqaruv fakultetiga yuqori ballar bilan qabul qilingan 1-bosqich talabalarning ota-onalariga tashakkurnomalar topshirildi. Shundan so‘ng forum ishtirokchilari “Ota-onalar va ustozlar bog‘i”da institut rektori, fakultet professor-o‘qituvchilari bilan birga ko‘chat ekdi.
NamMQI media markazi