Iqtisodiyot va boshqaruv fakulteti talaba-yoshlari bilan uchrashuv bo‘lib o‘td
Uchrashuvda fakultet dekani I.Sayfullaev, Yoshlar bilan ishlash, ma'naviyat va ma'rifat bo‘limi boshlig‘i D.Dadaboev, institut Yoshlar yetakchisi D.Soataliev, Yoshlar kengashi a'zolari, Iqtidorli talabalarning ilmiy-tadqiqot faoliyatini tashkil etish bo‘limi xodimlari hamda talabalar ishtirok etdi.
Uchrashuv davomida fakultet koordinatorligi uchun nomzodlarning saylovoldi rejalari tinglandi. Fakultet dekani Ilhomjon Sayfullaev saylovda har taraflama munosib nomzodga ovoz berish zarurligini ta'kidladi.
Dadajon Dadaboev tomonidan talabalarga "Odob-axloq qoidalari", o‘tkazilishi rejalashtirilgan tanlovlar xususida tushuntirish berildi. Yoshlar yetakchisi Diyorbek Soataliev talabalarga yaratilgan imkoniyatlar to‘g‘risida atroflicha ma'lumotlar berib o‘tdi.
Uchrashuv so‘nggida Iqtidorli talabalar bo‘limi xodimi Ahmadjon Muxtorjonov tomonidan til sertifikati sohiblari, ilmiy sohaga qiziquvchilar ro‘yxati shakllantirilib, respublika tanlovlariga yo‘naltirish masalasi ko‘rib chiqildi.