Institutda Yangi Namangan tumanidagi maktablar direktor o‘rinbosarlari va psixologlari bilan uchrashuv bo‘lib o‘tdi
Tadbir ishtirokchilariga institut haqida hikoya qiluvchi roliklar namoyish etildi, oliy o‘quv yurti haqida ma'lumot beruvchi bukletlar taqdim etildi.
Institut birinchi prorektori Odiljon Jakbarov ishtirokchilar uchun taqdimot o‘tkazdi. Taqdimot davomida institut salohiyati, xalqaro va milliy reytinglardagi o‘rni, mavjud fakul'tet va yo‘nalishlar haqida batafsil tushunchalar berdi.
Institut qabul komissiyasi mas'uli Rustamjon Soliev qabul jarayonidagi yangiliklar, abiturientlar uchun belgilangan imtiyozlar haqida so‘z yuritdi.
Prezident va Beruniy nomli davlat stipendiyalari sohiblari Diyorbek Soataliev va Anvarxon Majidov institutda talabalar uchun yaratilgan sharoit va imkoniyatlar haqida hikoya qildi.
Tuman hokimining o‘rinbosari A'zamjon Isoqov maktablarda oliy o‘quv yurtlariga kirish ko‘rsatkichlarini keltirib, bu kabi tadbirlar mavjud holatni o‘nglash uchun xizmat qilishini ta'kidladi.