Institut Kasaba uyushmasi qo‘mitasi sovrini uchun mini-futbol musobaqasiga start berildi
Unda fakultet va bo‘limlar kesimida barcha xodimlar jamoa shakllantirgan holda ishtirok etishi mumkin.
G‘olib va sovrindorlar quyidagi tartibda aniqlanadi:
-har bir jamoa o‘zaro o‘ynab chiqishi orqali chempionat shaklida tashkil qilinadi. Eng ko‘p ochko to‘plagan jamoa g‘olib deb topiladi. Ochkolar soni teng kelib qolganda urilgan gollar nisbati hisobga olinadi.
-o‘z vaqtida o‘yinga kelmagan jamoalar musobaqadan chetlatiladi va raqib jamoaga 3:0 hisobidagi g‘alaba taqdim etiladi.
Musobaqa 11-28 sentyabr' kunlari soat 16:00 dan boshlab 2-sport zalida o‘tkaziladi.
Qatnashishni istagan jamoa Jismoniy tarbiya kafedrasiga (N.Mahmudov, 93 674 28 87) murojaat qilishi mumkin.
Turnir yakuniga ko‘ra g‘olib bo‘lgan jamoalarga:
1-o‘rin egalari vodiy bo‘ylab bir kunlik sayohat, 2-3-o‘rinlarni egallagan jamoalar esa institut Kasaba uyushmasi esdalik sovg‘alari hamda institut rektorining darajali diplomlari bilan taqdirlanadi.