Institut 45 yilligiga bagʻishlangan ilk konsert dasturi boʻlib oʻtdi
Xalqaro Gullar festivali doirasida Yoshlar ittifoqi Boshlangʻich tashkiloti tashabbusi bilan iqtidorli talaba Muhammadyusuf Moʻminovning institut 45 yilligiga bagʻishlangan yakkaxon konsert dasturi boʻlib oʻtdi.
Konsertni institut rektori Sharifjon Ergashev ochib berdi va oliygoh maʼnaviy-maʼrifiy hayotida olib borilayotgan amaliy ishlar hamda ularning natijalari yuzasidan fikr-mulohazalarini bildirdi.
Musiqiy dasturga institut rahbariyati, professor-oʻqituvchilar, talabalar, shuningdek, Namangan davlat universiteti, Namangan davlat chet tillari instituti yoshlari ham tashrif buyurishdi.
Konsert davomida institut QVZ jamoasi tomonidan koʻngilochar chiqishlar namoyish etildi. Ijro etilgan kuy-qoʻshiqlar va sahna koʻrinishlari muxlislarda oʻzgacha taassurot uygʻotdi.
Yakunda tashkilotchilar va faol ishtirokchilar institut rahbariyati tomonidan tashakkurnoma va esdalik sovgʻalari bilan taqdirlandi.