Imtiyozli shartlarda quyosh panellarini o‘rnatib tekin va uzluksiz elektr energiyasiga ega bo‘ling
Imtiyozli shartlarda quyosh panellarini o‘rnatib tekin va uzluksiz elektr energiyasiga ega bo‘ling. Ortganini davlatga soting. Yana qator imtiyozlar:
Bir yilda elektr energiyasi yoki tabiiy gaz uchun qancha haq to‘laysiz? Mablag‘ingizni tejash haqida o‘ylab ko‘rganmisiz?
Albatta buning imkoni bor!
Tasavvur qiling, Siz ikki qavatli uyda yashaysiz va bir oyda o‘rtacha 800 kVt-soat elektr energiyasi iste'mol qilasiz.
Agar xonadoningizga 5 kVt quvvatdagi quyosh fotoelektr stansiyasini o‘rnatsangiz, bu sizga o‘rtacha 50 mln so‘mga tushadi va u 9 yilda o‘zini qoplaydi. Keyingi 11 yil elektr energiyasiga pul to‘lamaysiz.
Yana bir imkoniyat: xonadoningizda ishlab chiqarilgan elektr energiyasini davlatga sotib, daromad qilishingiz ham mumkin.
Imtiyozlar: Siz quyosh panellari va quyosh suv isitish qurilmalarini 3 yil muddatga foizsiz, bo‘lib-bo‘lib to‘lash sharti bilan sotib olishingiz mumkin.
Shuningdek, to‘liq xarid qilganingizda quyosh panellariga 15 mln so‘mgacha va quyosh suv isitish qurilmalariga 2 mln so‘mgacha kompensasiya olishingiz mumkin.
Ushbu qurilmalarni o‘rnatgan jismoniy shaxslar 3 yil, tadbirkorlik sub'ektlari esa 10 yil davomida yer va mulk solig‘idan ozod bo‘ladi.