Hurmatli professor-o‘qituvchilar, aziz talabalar, institutimiz ishchi-xodimlari!
Barchangizni yurtimizga kirib kelgan Qurbon hayiti munosabati bilan samimiy muborakbod etaman.
Bunday saodatli onlarda avvalo hayit ayyomiga eson-omonlikda yetkazgani uchun shukrona aytamiz. Kelgusi bayramlarga qatorimizdan xato bo‘lmay yetib borishni niyat qilamiz.
Bayram oldidan faxriylar va bemorlarni yo‘qlash, ko‘ngillarini olishga harakat qildik. Ular jamoa nomidan yo‘qlovlarimizdan mamnun bo‘lib, duolar qilishdi.
Bu duolar va barcha niyatlarimiz amalga oshsin. Ezgu ishlarimizda Yaratganning o‘zi madadkor bo‘lsin!
Ayyomingiz muborak!
Sharifjon Ergashev,
Namangan muhandislik-qurilish instituti rektori