Chortoq tumanidagi umumtaʼlim maktabiga 100 nomdagi kitoblar sovgʻa qilindi
Namangan muhandislik-qurilish institutining hududlardagi umumtaʼlim maktablari bilan hamkorligi uzviy yoʻlga qoʻyilgan. Shu bois maktablarda professor-oʻqituvchilar bilan uchrashuvlar, turli madaniy-maʼrifiy tadbirlar muntazam oʻtkazib kelinmoqda.
Institut jamoasi bu gal Chortoq tumanidagi 7-umumtaʼlim maktabiga yoʻl oldi. Maktab kutubxonasi uchun 100 nomdagi badiiy adabiyotlar va oʻquv qoʻllanmalari sovgʻa qilindi.
Maktab mutasaddilari ushbu kitoblarni qabul qilib oldi va ushbu begʻaraz yordam uchun institut maʼmuriyatiga minnatdorlik bildirdi.
NamMQI media markazi