"Art Soft Tex Cluster" korxonasiga amaliy tashrif
2023 yil 17 may kuni Iqtisodiyot va boshqaruv fakulteti dekani I.Sayfullayev hamda dekan o‘rinbosari O.Axmedovlar “Korporativ boshqaruv” hamda Menejment ta’lim yo‘nalishi 2-bosqich talabalari bilan birgalikda Davlatobod tumanida joylashgan "Art Soft Tex Cluster" korxonasiga amaliy tashrif buyurishib, korxonaning boshqaruv, ishlab chiqarish jarayoni bilan yaqindan tanishdilar. Bundan tashqari korxonada ishlab chiqarish hamda sotish hujjatlarini yuritilishi bo‘yicha ma’lumotlar olishdi.
Ishlab chiqarish bo‘limi boshlig‘i Baxtiyor Badalov hamda Ishlab chiqarish va texnika xavfsizligi bo‘limi boshlig‘i Baxtiyor Normatovlar korxonaning tashkil etilishi tarixi, ishlab-chiqarish jarayonlarini tashkil etilishi, halqaro hamkorlik aloqalari, mahsulotlarning assartimenti va eksport geografiyasi, marketing tadqiqotlari haqida batafsil tushunchalar berib o‘tishdi.
Bundan tashqari korxona raxbarlari tomonidan institutning kam ta’minlangan talabalarini ijtimoiy qo‘llab-quvvatlash, ta’lim jarayonidagi o‘zaro hamkorlik masalalaridagi takliflarga ijobiy munosabat bildirishdi. Namangan muhandislik-qurilish institutini tamomlab mazkur korxonada faoliyat olib borayotgan sobiq talabalar bilan suhbatlar tashkil etildi.
Institut talabalarini o‘qishdan bo‘sh vaqtida qo‘shimcha daromad ishlab topishlariga ko‘maklashish uchun korxona tomonidan talabalarni ishga qabul qilish, qulay vaqt va sharoitlarni yaratib berishga kelishib olindi.