Akademik litseyda test sinovlariga tayyorgarlik jarayoni ko‘zdan kechirildi
Joriy yilgi oliy ta'lim muassasalariga kirish uchun test sinovlari NamMQI huzuridagi akademik litsey binosida ham bo‘lib o‘tishi ko‘zda tutilgan. Instituti rektori Sharifjon Ergashev bir guruh mutasaddilar hamrohligida ushbu jarayonga tayyorgarlik holati bilan tanishdi.
Hozirda test sinovlari uchun ajratilgan hudud stol-stullar bilan to‘liq ta'minlanib, sektorlarga ajratilgan. Shuningdek, havo haroratini inobatga olib, mavjud sovitgichlar shay holatga keltirilgan.
Rektor mutasaddilarga binodagi tozalik holatiga e'tiborni kuchaytirish, abiturientlar bilan birga keladigan ota-onalar uchun tashqarida yetarli sharoitlar yaratish yuzasidan o‘z tavsiyalarini berdi.
NamMQI media markazi