Texnologik mashinalar va jihozlar kafedrasida «Oliy ta'lim, fan va ishlab chiqarish integratsiyasi» mavzusida davra suhbati o‘tkazildi
Davra suhbatida «UzChasys» O‘zbekiston-Koreya qo‘shma korxonasi direksiya boshlig‘i Zohid Umarov, xodimlar bilan ishlash bo‘limi boshlig‘i Ulug‘bek Toshbaev ishtirok etdi.
Kafedra professori Rahmatali Rustamov mehmonlarni samimiy qutlab, kafedra va bu yerda tahsil olayotgan talabalar haqida ma'lumot berib o‘tdi.
Zohid Umarov korxona tarixi, bugungi kundagi faoliyati, ishlab chiqarish jarayonlari to‘g‘risida taqdimot o‘tkazdi. Talabalar o‘zlarini qiziqtirgan savollarga javob olishdi.
Mehmonlar kafedra faoliyati bilan ham yaqinda tanishdi. Hamkorlikda malaka oshirish kursini tashkil etish va kafedra qoshida filialini tashkil qilish, talabalarni amaliyotga yuborish va ishga joylashtirish bo‘yicha kelishib olindi.