Talabalar turar joyida qizlar oʻrtasida osh chempionati oʻtkazildi
1-sonli talabalar turar joyida istiqomat qiluvchi yoshlarning boʻsh vaqtini mazmunli tashkil etish, ular oʻrtasida milliylik targʻibotini amalga oshirish, ertangi kun egalarini katta hayotga tayyorlash maqsadida qizlar oʻrtasida pazandalik tanlovi boʻlib oʻtdi.
Chempionatni institut birinchi prorektori Odiljon Jakbarov ochib berdi. Fakultet xotin-qizlar raislari tomonidan amaliy ishlar baholanib borildi. Tanlov davomida iqtidorli yoshlarning koʻngilochar chiqishlari, qiziqarli oʻyinlar va milliy raqslar namoyish etildi.
Oʻtkazilgan tanlovning yakuniy natijalariga koʻra:
1-oʻrin va 500 ming soʻm pul mukofoti Hosila Nuriddinova boshchiligidagi 4-B qavat qizlariga;
2-oʻrin va 400 ming soʻm pul mukofoti Muslima Xamdamova boshchiligidagi 3-A qavat qizlariga;
3-oʻrin va 300 ming soʻm pul mukofoti Munisa Mashrabboyeva boshchiligida 4-A qavat qizlariga nasib etdi.