Talabalar bilan dolzarb mavzularda davra suhbati tashkil etildi
Namangan muhandislik-qurilish instituti talabalar turar-joyida “Ekstremizm va aqidaparastlikka qarshi kurashda yoshlarni oʻrni” hamda “Taʼlim muassasalarida majburiy mehnat va odam savdosiga qarshi kurash” mavzularida davra suhbati oʻtkazildi.
Muhandislik kommunikatsiyalari fakulteti talabalari ishtirok etgan davra suhbatida Yangi Namangan tumani IIB TQKB tezkor vakillari, institut profilaktika inspektori Sirojiddin Shergʻoziyev, institut Yoshlar bilan ishlash, maʼnaviyat va maʼrifat boʻlimi boshligʻi Dadaxon Dadabayev va fakultet dekani oʻrinbosari Anvarjon Dehqanovning chiqishlari tinglandi.
Talabalarga yot gʻoyalar taʼsiriga tushib qolmaslik, taʼqiqlangan materiallarni saqlash, tarqatish va targʻib qilishning huquqiy oqibatlari, majburiy mehnat va odam savdosiga qarshi kurash boʻyicha tushunchalar berilib, mavzuga doir videoroliklar namoyishi tashkil etildi.
NamMQI media markazi