Sanoatni axborotlashtirish fakultetida bayramona karnaval bo‘lib o‘tdi
Namangan muhandislik-qurilish instituti Sanoatni axborotlashtirish fakultetida Yangi yil munosabati bilan bayram tadbiri bo‘lib o‘tdi.
Bayramda fakultet dekani Abdurahim Qahharov so‘z olib, talaba-yoshlarni kelayotgan yil munosabati bilan samimiy muborakbod etdi. Shuningdek, yil davomida faol bo‘lganlarni tashakkurnoma va esdalik sovg‘alari bilan taqdirladi.
Institut yoshlar yetakchisi Diyorbek Soataliev faol talabalarning ota-onalariga institut rahbariyatining tashakkurnomalarini taqdim etdi.
Qorbobo va Qorqiz obrazlari bayramga ertaknamo fayz olib kirdi. Bayram davomida talabalar o‘zlari tayyorlagan kuy-qo‘shiqlar, sahna ko‘rinishlari, qiziqarli savol-javob o‘yinlarini ommaga taqdim qilishdi.
Tadbir «Yangi yil» qo‘shig‘ini ommaviy tarzda ijro etish bilan yakunlandi.