Qadrli talabalar, aziz ustozlar!
Barchangizni Namangan muhandislik-qurilish institutida yangi o‘quv yili boshlangani bilan chin qalbdan tabriklayman!
Ushbu o‘quv yili biz uchun o‘zgacha qadrli. Chunki joriy yilda institutimiz tashkil topganiga 45 yil to‘lmoqda. Dastlab Toshkent politexnika instituti filiali sifatida tashkil topgan oliy o‘quv yurti oradan yillar o‘tib mustaqil dargoh maqomiga ega bo‘ldi, safi tajribali professor-o‘qituvchilar bilan to‘ldi.
Yaqingacha viloyatimizda atigi uchta oliy o‘quv yurti faoliyat ko‘rsatgan bo‘lsa, bugungi kunda ularning soni 10 dan oshdi. Shunday kuchli raqobat sharoitida ham 2000 nafardan ortiq yoshlarimiz Namangan muhandislik-qurilish institutini tanlagani va talabalarimiz safidan o‘rin olganidan mamnunmiz. Biz bu yoshlarga “safimizga xush kelibsiz!” deb qolamiz.
Sizlarni yangi o‘quv yili boshlangani bilan qutlayman. O‘qish va ishlaringizda muvaffaqiyat tilayman. Institutimiz nufuzini yuksaltirish borasidagi sa’y-harakatlaringiz bardavom bo‘lsin!
Sharifjon Ergashev,
Namangan muhandislik-qurilish instituti rektori