Oliy Majlis Qonunchilik palatasi deputati Barno Mirzamova NamMQI talabalari bilan uchrashdi
Oliy Majlis Qonunchilik palatasi deputati Barno Mirzamova hamda O‘zLiDEP Namangan viloyati Kengashi bo‘lim boshliqlari talaba-yoshlar bilan ochiq muloqot o‘tkazdi.
Ochiq muloqotni institut birinchi prorektori Odiljon Jakbarov kirish so‘zi bilan ochib berdi. Davrani Yoshlar parlamenti a'zosi, institut yetakchisi Diyorbek Soataliev olib bordi.
So‘z avvalida deputat faoliyati yuzasidan qisqa ma'ruza qildi. Shundan so‘ng talabalar o‘zlarini qiziqtirgan savollariga batafsil javob oldi.
Suhbat davomida talabalardan takliflar ham kelib tushdi va deputat tomonidan iliq kutib olindi.
Talaba-yoshlar tomonidan institut, partiya, va deputat hamkorligida «Deputat stipendiyasi»ni joriy qilish, «Kitob karvoni» loyihasini yo‘lga qo‘yish, homiylik asosida to‘lov-kontrakt summalarini qoplash, fermer xo‘jaligidagi kamchiliklar, transport masalalari yuzasidan takliflar aytildi va yechim topilishi yuzasidan mulohazalar bildirildi.
NamMQI media markazi