“Nodirai davronlar” respublika ko‘rik-tanlovining viloyat bosqichida NamMQI talabalari g‘olib bo‘ldi
Avval xabar berganimizdek, "Milliy tiklanish" demokratik partiyasi viloyat kengashi tomonidan “Nodirai davronlar” respublika ko‘rik-tanlovining viloyat bosqichi o‘tkazildi. Unda Namangan muhandislik-qurilish institutining talaba-qizlari faol ishtirok etdi.
Tanlovning birinchi sharti “Bexato yozamiz” mavzusida bo‘lib, unda qizlarning imloviy savodxonlik darajasi aniqlandi. Shundan so‘ng ishtirokchilar «Qadriyatlarga tayangan taraqqiyot» mavzusida milliy qadriyatlarni asrash, targ‘ib qilish va yanada boyitishga qaratilgan loyihalarini taqdimot qildi.
Quvonarli tomoni shundaki, mazkur tanlovning g‘olib va sovrindorlari to‘liq institutimiz qizlaridan iborat bo‘ldi. Transport fakul'teti talabasi Oyshaxon Qodirova birinchi, Iqtisodiyot va boshqaruv fakul'teti talabasi Shahzoda G‘ulomjonova ikkinchi hamda Energetika va mehnat muhofazasi fakul'teti talabasi Gulyora Xolmatjonova esa uchinchi o‘rinni qo‘lga kiritdi. Tabriklaymiz!
NamMQI media markazi