NamMQIning 4 ta loyihasi “Tashabbusli byudjet” g‘olibi bo‘ldi!
Namangan muhandislik-qurilish instituti joriy yilgi OpenBudjet mavsumida biryo‘la besh loyiha bilan ishtirok etgandi. Ularning deyarli barchasi muqobil energetika vositalari bilan bog‘liq.
Jumladan, Qurilish, Iqtisodiyot va boshqaruv, Transport, fakultetlari va akademik lisey binolariga quyosh panellari o‘rnatish rejalashtirilgan edi.
Quvonchli tomoni shundaki, bugun e'lon qilingan natijalarga ko‘ra, ushbu loyihalardan to‘rttasi g‘oliblar qatoridan o‘rin olgan. Ular ichida eng katta summa — 1 mlrd 150 million so‘m Qurilish fakul'teti moddiy-texnik bazasini mustahkamlash va muqobil energetika vositalari bilan ta'minlashga yo‘naltiriladi.
G‘oliblarni tabriklaymiz. Institut jamoasining hamkorlik va hamjihatlikdagi urinishlari o‘z samarasi berdi. Muborak bo‘lsin!