NamMQI yana bir nufuzli xalqaro anjumanga mezbonlik qiladi
Joriy yil 11-12-iyun kunlari Namangan muhandislik-qurilish institutida “Fan-taraqqiyot 2024: muammolar va rivojlanish tendensiyalari” mavzusidagi xalqaro ilmiy konferensiya boʻlib oʻtadi.
63-xalqaro gullar festivali doirasida oʻtkazilayotgan ushbu nufuzli anjumanda Rossiya, Belarus, Xitoy, shuningdek, mamlakatimizning yetakchi oliy oʻquv yurtlari vakillari boʻlgan olimlar maʼruzalari bilan ishtirok etishi koʻzda tutilgan.
Konferensiya 11-iyun kuni soat 10:00 da institutning Transport fakultetida oʻz ishini boshlaydi.