NamMQI World University Rankings–2024 xalqaro reytingida “reporter” maqomiga ikkinchi bor ega bo‘ldi!
Buyuk Britaniyaning nufuzli reyting tashkiloti – Times Higher Education agentligi o‘zining World University Rankings – 2024 reyting natijalarini e’lon qildi.
Bu yil respublikamizning yana 20 ta oliy ta’lim muassasasi “reporter” maqomida qayd etilishi bilan TOP-1 000 talik reytingdan joy olish uchun davogarlar o‘tgan yilgi 28 tadan 48 taga yetdi.
Quvonchli tomoni, Namangan muhandislik-qurilish instituti qatorasiga ikkinchi yil ushbu nufuzli reytingdan oʻrin olmoqda. Institut 108 davlatning 2673 ta oliy taʼlim muassasasi ishtirok etgan reytingda “reporter” maqomida qayd etilgan.