NamMQI vakillari Uychi tumani maktablari rahbarlari va bitiruvchilari bilan uchrashdi
Uychidagi madaniyat markazida o‘tkazilgan tadbirda institut birinchi prorektori Odiljon Jakbarov, rektor maslahatchisi Azizbek Abduvaliev, Qurilish fakul'teti dekani Muxtorjon Mansurov, professor-o‘qituvchilar va iqtidorli talabalar ishtirok etdi.
Tadbirda institutda ta'lim sifatini oshirish uchun olib borilayotgan islohotlar, xalqaro va milliy reytinglarda erishilgan natijalar, talabalarga ta'lim olish va iqtidorini oshirish uchun yaratilgan imkoniyatlar haqida hikoya qiluvchi taqdimot namoyish etildi.
Institutda yaratilgan ushbu sharoitlardan unumli foydalanib, turli yutuqlarga erishgan iqtidorli talabalar o‘z muvaffaqiyatlari haqida hikoya qilib berdi.
Tuman hokimining o‘rinbosari Abror Sobirov, tuman maktabgacha va maktab ta'limi bo‘limi boshlig‘i Muzaffar Mo‘minov bu kabi tadbirlar institut bilan o‘zaro hamkorlikni mustahkamlash, bitiruvchilarning oliy o‘quv yurtlariga kirish ko‘rsatkichini yanada yaxshilash uchun xizmat qilishini ta'kidladi.
NamMQI media markazi