NamMQI vakillari Tomsk politexnika universiteti muhandislar maktabi faoliyatini oʻrganmoqda
Institut oʻquv ishlari boʻyicha prorektori Qahramon Inoyatov va Energetika kafedrasi dotsenti Muzaffar Murodov Tomsk politexnika universitetiga safar qildi.
Tomsk politexnika universitetiga 1896-yilda asos solingan boʻlib, bugungi kunda Rossiyaning top-10 va dunyoning top-400 oliy oʻquv yurtlari sirasiga kiradi.
Universitet tarkibiga 11 ta muhandislik va tadqiqot maktablari kiradi. 12 mingga yaqin talaba boʻlib, ularning chorak qismi xorijliklardan iborat.
Safardan koʻzlangan asosiy maqsad universitetdagi muhandislar maktabi faoliyatini oʻrganish va ushbu tajribani Namangan muhandislik-qurilish institutida qoʻllashdan iborat.
Mehmonlarni Tomsk politexnika universiteti oʻquv ishlari boʻyicha prorektori Mixail Solovyev kutib oldi. Institut vakillari safarning dastlabki kuni Tomsk politexnika universiteti tarixi va bugungi kuni bilan tanishdi.