NamMQI talabasi «Yoshlar turizmi» xalqaro qurultoyida ishtirok etdi
Joriy yil 7-11 avgust kunlari Qashqadaryo viloyatining Shahrisabz shahrida joylashgan «Lochin» oromgohida «Yoshlar turizmi» II xalqaro qurultoyi o‘tkazildi. Qurultoy davomida «Turizm va ekologiya» mavzusida o‘quv seminarlari, «Zakovat» intellektual o‘yinlari, «Biz bir jamoamiz» shiori ostida hududlarning sahna ko‘rinishlari, «Yulduzlar tashrifi», «Turizm kvest», «Turizm spartakiadasi» tanlovlari hamda Turizm va Ekologiya kengashi elchilari saylovi tashkil etildi.
Mazkur qurultoyda Turkiya, Qozog‘iston, Qirg‘iziston, Tojikiston davlatlari hamda respublikamizning barcha hududlaridan kelgan yoshlar qatori Namangan muhandislik-qurilish instituti Transport fakulteti to‘rtinchi bosqich talabasi Azizbek Rahimjonov ham faol ishtirok etib, bilim va qobiliyatlarini namoyon etgan holda turli yo‘nalishlar bo‘yicha faxrli o‘rinlarni egalladi.