NamMQI talabalari «Yangi O‘zbekiston yulduzlari» madaniyat va san'at milliy mukofotining taqdirlash marosimida ishtirok etdi
Namangan muhandislik-qurilish instituti Yoshlar ittifoqi Boshlang‘ich tashkiloti vakillari «Yangi O‘zbekiston yulduzlari» madaniyat va san'at milliy mukofotining taqdirlash marosimiga taklif qilindi.
O‘zbekiston Respublikasi Madaniyat vazirligi tomonidan har yili o‘tkazilishi an'anaga aylangan marosimda institut yoshlar yetakchisi Diyorbek Soataliev, koordinatorlar Asadbek Bekchonov va Ahmadjon Muxtorjonov ishtirok etdi.
Quvonarlisi, marosimda Namangan viloyat Alisher Navoiy nomidagi musiqali drama teatri tomonidan sahnalashtirilgan «Sab'ai sayyor» spektakli g‘olib deb topilib, statuetka va esdalik sovg‘alari bilan taqdirlandi.