NamMQI talabalari «Hududiy elektr tarmoqlari» Namangan filialidagi «Ochiq eshiklar kuni»da ishtirok etdi
«Hududiy elektr tarmoqlari» AJ Namangan hududiy filialida «Ochiq eshiklar» kuni tashkil etildi. Unla institut Energetika va mehnat muhofazasi fakultetining Energetika kafedrasi dotsenti Mahliyo To‘ychieva boshchiligida bir guruh talabalari ishtirok etdi.
Talabalar filial va bu yerda yaratilgan sharoitlar bilan yaqindan tanishdi. O‘zlarini qiziqtirgan savollarga batafsil javoblar olishdi.
Korxona majlislar zalida bo‘lib o‘tgan tadbir davomida Korrupsiyaga qarshi kurashish va komplayns nazorat bo‘limi boshlig‘i X.Adullaev ishtirok etib, filial va uning bugungi kundagi faoliyati, kadrlar tanlash borasida yuritilayotgan ochiqlik siyosati haqida so‘zlab berdi. Talabalar uchun mavzuga oid rolik namoyish etildi.
Tadbir yakunida unda faol ishtirok etgan talabalarga esdalik sovg‘alari topshirildi.