NamMQI talabalari Buxoro davlat universitetida boʻlib oʻtayotgan xalqaro lider talabalar uchrashuvida ishtirok etmoqda
Kuni kecha Buxoro shahriga UI GreenMetric Jahon universitetlari reytingi hamkorligidagi nufuzli ikkinchi xalqaro lider talabalar uchrashuvi ishtirokchilari tantanali tarzda kutib olindi.
Talabalar Indoneziya, Ekvador, Saudiya Arabistoni, Pokiston hamda respublikamizning nufuzli oliygohlaridan tashrif buyurdilar. Dastlab mehmonlarni Grand Bukhara mehmonxonasiga joylashtirib, shundan so’ng Buxoro shahridagi "Olmos" restoranida tanishuv uchrashuvi o’tkazildi.
Ushbu uchrashuvni Buxoro davlat universiteti rektori Obidjon Xamidov hamda Xalqaro hamkorlik bo’yicha prorektor Abror Jo’rayev ochib berishdi.
Quvonarlisi shundaki, ushbu uchrashuvda institut Yoshlar yetakchisi Diyorbek Soataliyev va Sanoatni axborotlashtirish fakulteti talabasi Anvarxon Majidov ham ishtirok etmoqda.