NamMQI talabalari akademik mobillik dasturida ishtirok etadi
Namangan muhandislik-qurilish institutida 2022/2023 o‘quv yili bahorgi semestrida 32 nafar talaba Urganch davlat universiteti, Termiz muhandislik texnologiyalari instituti, Nukus davlat universiteti, Farg‘ona politexnika instituti kabi respublikamizning 15 dan ortiq OTMda akademik mobillik doirasida o‘qishni davom ettiradi.
Institutda o‘tkazilgan yig‘ilishda o‘quv ishlar bo‘yicha prorektor Qahramon Inoyatov akademik mobillik bo‘yicha boshqa OTMlarda o‘qish istagini bildirgan talabalarga mazkur masala yuzasidan tushunchalar berib, talabalarga ushbu tartibda ta'lim olishning mas'uliyati eslatma hamda tushuntirishlar berib o‘tdi.
Yig‘ilishda ishtirok etgan Muhandislik kommunikatsiyalari fakulteti dekani Fayzulla Nishonov va Sanoatni axborotlashtirish fakulteti dekani Abdurahim Qahhorov talabalarning akademik mobillik doirasida ta'lim olishda e'tibor qaratishlari lozim bo‘lgan jihatlar haqida ma'lumotlar berib o‘tdi.
NamMQI media markazi