NamMQI stajyor-o‘qituvchisiga vazir sovg‘asi topshirildi
Oliy ta'lim, fan va innovasiyalar vaziri Ibrohim Abdurahmonov Namangan muhandislik-qurilish instituti Bionika laboratoriyasining ochilish marosimida oliy o‘quv yurti tomonidan tayyorlangan ko‘rgazma bilan tanishgan va professor-o‘qituvchilar bilan muloqotda bo‘lgandi.
Ko‘rgazma bilan tanishuv chog‘ida vazir e'tiborini mo‘yqalamda mohirlik bilan chizilgan ona siymosi o‘ziga tortgan va uning muallifi rag‘batlantirishga loyiq ekanligi ta'kidlangandi.
Bugun institutda bo‘lib o‘tgan xalqaro ilmiy-amaliy konferensiya davomida vazirlik viloyat hududiy boshqarmasi boshlig‘i Ilhomjon Sattorov NamMQI Muhandislik kommunikasiyalari fakul'teti muhandislik va komp'yuter grafikasi kafedrasi stajyor-o‘qituvchisi Nazirjon Qosimjonovga vazir sovg‘asi — komp'yuter jamlanmasini topshirdi.
Institutda yaqinda ish boshlagan Nazirjon yosh o‘qituvchilarda motivasiya uyg‘otuvchi sovg‘a uchun vazirga institut jamoasi nomidan minnatdorlik bildirdi.
NamMQI media markazi