NamMQI stajyor-oʻqituvchisi Chunsin universitetida oʻtkazilgan xalqaro madaniyat festivalida Oʻzbekiston haqida taqdimot qildi
NamMQI stajyor-oʻqituvchisi Chunsin universitetida oʻtkazilgan xalqaro madaniyat festivalida Oʻzbekiston haqida taqdimot qildi
Xitoy Xalq Respublikasining Chunsin universitetida amaliyot oʻtayotgan institut Bino va inshootlar qurilishi kafedrasi stajyor-oʻqituvchisi Abdurasul Mirzamahmudov mazkur oliy oʻquv yurtida tashkil etilgan xalqaro madaniyat festivalida ishtirok etdi.
Ushbu festivalda universitetda tahsil olayotgan chet ellik talabalar oʻzlari tugʻilib-oʻsgan mamakatlari haqidagi taqdimotlari bilan qatnashdi.
Abdurasul Mirzamahmudov mazkur festivalda Oʻzbekistonning boy tarixi, milliy ramzlari, qadriyatlari, urf-odatlari va taomlari haqida chiqishlar qildi. Mehmonlarga oʻzbek nonlari, palovi va shirinliklari taqdim etildi.
Maʼlumot uchun, dunyo universitetlari top-1000 taligidan oʻrin olgan Chunsin universitetida 50 mingga yaqin talaba tahsil oladi. Ularning salmoqli qismi chet ellik talabalardan iborat.