NamMQI rektori boshchiligidagi mutasaddilar “Nammotors” korxonasi faoliyati bilan tanishdi
Mehmonlarni korxona rahbari Sobirjon Normirzayev kutib oldi. Namangan tumanida joylashgan mazkur kompaniya tarixi hamda bugungi kuni haqida batafsil hikoya qildi. Ishlab chiqarish sexlari va mehnat jarayonini koʻrsatdi.
“Nam Motor Servis” kompaniyasi faoliyatini boshlaganiga 10 yildan oshdi. Korxonada ishlab chiqarilayotgan nasoslar, elektr dvigatellari, reduktorlarga ichki va tashqi bozorda talab yuqori. Navoiy togʻ-metallurgiya kombinati, Olmaliq togʻ-metallurgiya kombinati kabi Oʻzbekistondagi eng yirik korxonalar ushbu kompaniya mahsulotlari xaridorlari hisoblanadi.
Oʻzaro muloqot davomida korxonaga institut olimlarining ilmiy salohiyati, mashinasozlik texnologiyasi, texnologik mashinalar va jihozlar, energetika yoʻnalishi bitiruvchilarining kasb mahorati nihoyatda zarur ekanligi taʼkidlandi.