NamMQI qoshidagi akademik litsey bitiruvchilariga diplomlar topshirildi
Joriy o‘quv yilida akademik litseyni 211 nafar o‘quvchi bitirmoqda. Ulardan 100 nafardan ziyodi oliy ta'lim muassasalari talabalari bo‘lishga ham ulgurdi.
Jumladan, 6 nafari Janubiy Koreya, 3 nafari AQSh, 3 nafari Yaponiya, 2 nafari Polsha, 50 nafardan ortig‘i esa Rossiyadagi universitet va institutlarga muddatidan oldin qabul qilindi. 21 nafari IELTS, 30 nafari esa CEFR sertifikatlarini oldi.
Litsey bitiruvchilariga diplom topshirish marosimida Namangan muhandislik-qurilish instituti rektori Sharifjon Ergashev ishtirok etdi. U bugungi tadbir bilan bitiruvchilar, ularning ustozlari va ota-onalarini tabriklab, kelgusidagi faoliyatlarida omad va muvaffaqiyatlar tiladi.
Shundan so‘ng bitiruvchilar o‘zbek va ingliz tillarida o‘z tilaklarini izhor etdi, ularning ota-onalari esa ustozlar, institut va litsey mutasaddilariga minnatdorlik bildirdi.
Tantanali tadbir bitiruvchilarga bag‘ishlangan kuy-qo‘shiqlar va jamoaviy fotosessiya bilan yakuniga yetdi.
NamMQI media markazi