NamMQI professor-o‘qituvchilari va talabalari ayollar forumida faol ishtirok etdi
Davlatobod madaniyat saroyida “Muvaffaqiyat sari birlashamiz!” nomli ayollar forumi bo‘lib o‘tdi. 500 nafardan ziyod xotin-qiz qatnashgan tadbirda bir oilaning 5 nafar vakili — opa-singillar spiker sifatida ishtirok etib, muvaffaqiyat sirlari va tadbirkorlik ko‘nikmalari bilan o‘rtoqlashdi.
BA Holding bosh direktori Gulbahor Tojimirzaeva, xolding moliya direktori Gulinur Abdullaeva, Biznes-ombudsman matbuot kotibi Guljamol Shukurova, Wang Da Group qo‘shma korxonasi bosh direktori Go‘zal Tojimirzaeva, Pekindagi Sin'xua universiteti talabasi, Zulfiya nomli davlat mukofoti sovrindori Shirin Abdullaeva erishgan yutuqlari, bunda oila va ota-onaning o‘rni, davlat xizmati va tadbirkorlik tuzilmalarida xotin-qizlar mavqeyi haqida chiqishlar qildi.
Mazkur forumda NamMQI professor-o‘qituvchilari va talabalari ham faol ishtirok etdi.