NamMQI mutasaddilari Uchqoʻrgʻon tumanidagi maktablar psixologlari va bitiruvchilar bilan uchrashdi
Tumandagi ixtisoslashtirilgan maktabda boʻlib oʻtgan tadbirda institut haqidagi roliklar namoyish etildi, bukletlar taqdim etildi.
Tadbirni institut matbuot kotibi Azizbek Abduvaliyev ochdi va olib bordi.
Institut birinchi prorektori Odiljon Jakbarov taqdimoti davomida institut salohiyati, reytinglardagi oʻrni, fakultet va yoʻnalishlar haqida tushunchalar berdi.
Qurilish fakulteti dekani Muxtorjon Mansurov tuman bitiruvchilarining institutga kirish natijalarini tahlil qildi, bu yilgi imtihonlarda roʻy berishi kutilayotgan oʻzgarishlarga toʻxtaldi.
Prezident va nomli davlat stipendiyalari sohiblari Diyorbek Soataliyev, Ahmadjon Muxtorjonov, Qurilish fakultetining iqtidorli talabalari institutda erishgan natija va yutuqlari haqida hikoya qildi. Shundan soʻng tuman maktablari psixologlari va bitiruvchilar bilan jonli muloqot boʻlib oʻtdi.
NamMQI media markazi