NamMQI mutasaddilari Qurilish fakulteti talabalari bilan ochiq muloqot o‘tkazdi
NamMQI prorektorlari Odiljon Jakbarov, Qahramon Inoyatov, rektor maslahatchilari Anvarjon Nishonboev va Azizbek Abduvaliyevning Qurilish fakulteti talabalari bilan ochiq muloqoti bo‘lib o‘tdi. Muloqotda talabalarning turli sohalar bo‘yicha savol, taklif va murojaatlari tinglandi.
Jumladan, fakultet binosida internet tezligini kuchaytirish, isitish tizimini yaxshilash, fakultet talabalaridan iborat qurilish otryadini shakllantirish, talabalar qatnovi uchun avtobus ajratish, shahar markazidagi binoga ko‘chish, iqtidorli talabalarni rag‘batlantirish, sport zalini ta'mirlash, bankomat o‘rnatish, bozor bo‘ladigan kunlardagi tirbandlikka barham berish, oshxona faoliyatini jonlantirish kabi masalalar ko‘tarildi.
Institut mutasaddilari muloqotda ko‘tarilgan mavzu, muammo va takliflarni diqqat bilan tingladi va har biri yuzasidan javob qaytardi. Ularning ijrosi yuzasidan tegishli mas'ullar bilan muhokama va muzokaralar olib borilishi ma'lum qilindi.
NamMQI media markazi