NamMQI Kimyoviy texnologiya kafedrasi professori Ox Yumrak Janubiy Koreyaga safari yuzasidan taqdimot oʻtkazdi
Safar davomida Janubiy Koreyaning Halla, Chungnam hamda Sejong universitetlari mutasaddilari bilan muzokalaralar olib borilgan.
Xususan, Halla universiteti vakillari bilan oʻtkazilgan muzokaralarda institutda ushbu universitetning koreys tilini oʻqitish markazini ochish boʻyicha kelishuvga erishilgan.
Shuningdek, Koreya universitetlari bilan qoʻshma taʼlim dasturlarini yoʻlga qoʻyish boʻyicha muzokaralar ham muvaffaqiyatli kechgani taʼkidlandi.
Institut rektori tegishli masʼullar ishtirokida taqdimot bilan tanishar ekan, Janubiy Koreya oliy oʻquv yurtlari bilan hamkorlikni yanada jadallashtirish, qoʻshma taʼlim dasturiga magistrlarni ham jalb etish hamda til markazi tashkil etish uchun barcha sharoitlarni yaratib berish yuzasidan zarur tavsiyalarni berdi.
NamMQI media markazi