NamMQI katta o‘qituvchisi Insomiddin Najmiddinov 60 yoshni qarshi oldi
Namangan muhandislik-qurilish institutida professor-o‘qituvchilarni yubiley sanalari bilan qutlash an'ana tusiga kirgan. Bu gal institut materiallar qarshiligi va mexanika kafedrasi katta o‘qituvchisi Insomiddin Najmiddinov hamkasblari davrasida 60 yoshini qarshi oldi.
Insomiddin Najmiddinov 1962 yili Yangiqo‘rg‘on tumanida tug‘ilgan. 1985 yilda Toshkent davlat universitetini tamomlagan. O‘sha yili Toshkent Politexnika instituti Namangan filiali, hozirgi Namangan muhandislik-qurilish institutida mehnat faoliyatini boshlagan.
NamMQI yoshlar masalalari va ma'naviy-ma'rifiy ishlar bo‘yicha prorektori Odiljon Jakbarov Insomiddin Najmiddinovni institut jamoasi nomidan tabriklab, kelgusi faoliyatida ulkan muvaffaqiyatlar tiladi. O‘zbekona udumlarga muvofiq yubilyarga ehtirom ramzi sifatida to‘n va do‘ppi kiygizildi, esdalik sovg‘alari topshirildi.
NamMQI media markazi