NamMQI doktoranti tomonidan tayyorlangan seyalka dala sinovlaridan muvaffaqiyatli o‘tdi
NamMQI tayanch doktoranti Muhsinjon Yo‘ldoshev institut Mashinasozlik fakulteti dekani Rahmatali Rustamov ilmiy rahbarligi ostida “G‘altakli ekish apparati bilan jihozlangan sabzavotchilik seyalkasining konstruktsiyasini takomillashtirish va parametrlarini asoslash” mavzusidagi dissertatsiya ishi doirasida sabzavotchilik seyalkasining tajriba nusxasini tayyorlab, dala sinovlarini o‘tkazdi.
Sinovlarni o‘tkazishda fakulьtet professor-o‘qituvchilari va Qishloq xo‘jaligini mexanizatsiyalash ilmiy-tadqiqot instituti “Qishloq xo‘jaligi texnikalarini sinash” laboratoriyasi rahbari Ne’matjon Komilov ishtirok etdi.
Tajribalar Namangan viloyatining Pop va Namangan tumanlarida olib borildi. Ular asosan seyalkaning energetik va agrotexnik ko‘rsatkichlarini aniqlashga qaratildi.
Sinovlar muvaffaqiyatli o‘tkazildi hamda mazkur sabzavotchilik seyalkasi dehqon va fermer xo‘jaliklari hamda agroklasterlarda foydalanish uchun ishlab chiqarishga tavsiya etildi.
NamMQI media markazi