NamMQI delegasiyasi Muxtor Avezov nomidagi Janubiy Qozog‘iston universitetining yubiley tadbirida ishtirok etmoqda
Muxtor Avezov nomidagi Janubiy Qozog‘iston universiteti bu yil o‘zining 80 yillik yubileyini nishonlamoqda. O‘tgan vaqt davomida universitet katta nufuz va salohiyatga ega bo‘lgan hamda mamlakatdagi eng yetakchi oliy o‘quv yurtlari safidan o‘rin oldi.
Ushbu sana munosabati bilan universitetda “Ta'lim, fan va innovasiya” xalqaro forumi o‘z ishini boshladi. Mazkur anjumanda dunyoning turli davlatlaridan kelgan olimlar va jamoalar ishtirok etmoqda.
Ular qatorida Muxtor Avezov nomidagi Janubiy Qozog‘iston universiteti bilan mustahkam hamkorlik aloqalari o‘rnatgan Namangan muhandislik-qurilish instituti vakillari ham bor.
Delegasiyaga institut birinchi prorektori Odiljon Jakbarov boshchilik qilmoqda. Universitet mutasaddilariga NamMQI nomidan esdalik sovg‘alari topshirildi.