NamMQI Chet tillar kafedrasida “Kafedra kuni” o‘tkazildi
NamMQI Sanoatni axborotlashtirish fakulteti Chet tillar kafedrasida navbatdagi “Kafedra kuni” o‘tkazildi. Unda institut prorektorlari, bo‘lim boshliqlari, kafedra mudirlari, professor-o‘qituvchilar ishtirok etdi. “Kafedra kuni”ning birinchi qismida ochiq darslar bilan tanishildi. Jumladan, amerikalik mutaxassislar tomonidan o‘tkazilgan mahorat darsi savol-javoblarga boy tarzda o‘tdi.Institut axborot-resurs markazida tashkil etilgan tadbirda uyushtirilgan qiziqarli o‘yinlar mehmonlarda katta taasurot koldirdi.Chet tillar kafedrasi mudiri Nigora Raimjanova yig‘ilganlarni kafedra faoliyati, moddiy-texnik baza, yutuqlar va kelgusidagi rejalar bilan tanishtirdi. Shundan so‘ng navbat muhokama va savol-javoblarga berildi. Kafedra professor-o‘qituvchilari Chet tillar kafedrasining kecha, bugun va ertasi, iqtidorli talabalar bilan ishlash bilan bog‘liq taqdimotlarni namoyish etdi.