NamMQI bitiruvchisi, BA Holding ta'sischisi Bahodir Abdullayev oila a'zolari bilan institutda bo‘ldi
“Muvaffaqiyat sari birlashamiz!” nomli ayollar forumidan so‘ng uning spikerlari — BA Holding bosh direktori Gulbahor Tojimirzayeva, xolding moliya direktori Gulinur Abdullayeva, Biznes-ombudsman matbuot kotibi Guljamol Shukurova, Wang Da Group qo‘shma korxonasi bosh direktori Go‘zal Tojimirzayeva, Pekindagi Sin'xua universiteti talabasi, Zulfiya nomli davlat mukofoti sovrindori Shirin Abdullaeva ota-onalari hamrohligida institut mehmoni bo‘ldi.
Opa-singillarning otasi, tarkibida 20 dan ortiq korxonani birlashtirgan BA Holding ta'sischisi Bahodir Abdullayev institut bitiruvchisi hisoblanadi. U talabalik yillari, saboq bergan ustozlarini yodga oldi.
Oila a'zolari institut foyesidagi faxriy bitiruvchilar qatoridan o‘rin olgan Bahodir Abdullayev portreti atrofida fotoga tushdi. Hindiston o‘quv markazi, institut media markazi bilan tanishdi. Institut va xolding o‘rtasida hamkorlik aloqalarini mustahkamlash masalalari muhokama qilindi.