Namangan viloyat musiqali drama teatri bilan hamkorlik shartnomasi imzolandi
Namangan muhandislik-qurilish institutida viloyat musiqali drama teatri mutasaddilari bilan uchrashuv bo‘lib o‘tdi. Uchrashuv davomida ikki muassasa o‘rtasida hamkorlik aloqalarini yanada mustahkamlash masalalari ko‘rib chiqildi.
Muloqot yakunida Namangan muhandislik-qurilish instituti va Namangan viloyat musiqali drama teatri bilan hamkorlik shartnomasi imzolandi. Ushbu shartnoma institut professor-o‘qituvchilari va talabalarining teatr tomonidan namoyish etiladigan spektakllarga muntazam tashrifi, teatr vakillarining oliy o‘quv yurtidagi tadbirlarda ishtiroki, talabalar bilan ijodiy uchrashuvlar, teatr jamoasining institut qoshidagi teatr-studiyani otaliqqa olishi va boshqa ko‘plab yo‘nalishlarni o‘z ichiga qamrab oladi.
Hamkorlik shartnomasi Namangan muhandislik-qurilish instituti birinchi prorektori Odiljon Jakbarov va Namangan viloyat musiqali drama teatri direktori Nozimjon Toshpo‘latov tomonidan imzolandi.
NamMQI media markazi