Namangan muhandislik-qurilish institutining o‘zbek tili bayramiga bag‘ishlangan ma'naviy-ma'rifiy tadbiri o‘tkazildi
Davlatobod tumanidagi yoshlar ziyo maskanida Namangan muhandislik-qurilish institutining o‘zbek tili bayrami kuniga bag‘ishlangan "Davlat tili—milliy ma'naviyatimiz timsoli" deb nomlangan tadbiri bo‘lib o‘tdi.
Muhandislik kommunikasiyalari fakulteti tomonidan tashkillangan tadbirni institut rektorining maslahatchisi Azizbek Abduvaliev ochdi va olib bordi.
O‘zbekiston yozuvchilar uyushmasi viloyat bo‘limi rahbari Ziyovuddin Mansurov, institut o‘zbek tili va adabiyoti kafedrasi katta o‘qituvchisi Dilfuza Shermatova milliy davlatchilik ramzlaridan bo‘lgan o‘zbek tilining bugungi kundagi mavqeyi, uni asrab-avaylash va yanada rivojlantirish zaruriyati haqida ma'ruzalar qildi.
O‘zbekiston yozuvchilar uyushmasi a'zolari, shoiralar Dilbar Haydarova, Dilorom Ergasheva, O‘ktamoy Xoldorova, Ruqiya G‘ozievaning chiqishlari va she'rlari tinglandi.
Tadbir institut talabalari tomonidan tayyorlangan adabiy-badiiy kompozisiya bilan yakunlandi.