Namangan muhandislik-qurilish institutida Xalqaro talabalar kuniga bag‘ishlangan tantanali tadbir bo‘lib o‘tdi
Institut talabalari ushbu sanani munosib yutuqlar bilan kutib olmoqda. Jumladan, yaqinda bo‘lib o‘tgan Hakaton innovatsion loyihalar tanlovida talabalarimizdan iborat biryo‘la uch jamoa g‘olib va sovrindorlar qatoridan o‘rin oldi. Janubiy Koreyada bo‘lib o‘tayotgan o‘q otish sporti bo‘yicha Osiyo chempionatida Iqtisodiyot va boshqaruv fakulteti uchinchi bosqich talabasi Muhammadjon Kamolov muvaffaqiyatli ishtirok etib, bronza medalini qo‘lga kiritdi. Talabalarimizdan iborat “Parvoz” voleybol jamoasi esa Universiada bosqichlarida ketma-ket g‘alabalarni nishonlamoqda.
Tadbirda ishtirok etgan institut rektori Sharifboy Ergashev NamMQI talabalarining bunday muvaffaqiyatlari bardavom bo‘lishini tiladi va ularning bir guruhiga tashakkurnoma, esdalik sovg‘alari va pul mukofotlarini topshirdi.
Tantanali tadbir kuy-qo‘shiq va raqslar, she'rlar, quvnoqlar va zukkolar jamoalarining chiqishlari bilan davom etdi.
NamMQI media markazi