Namangan muhandislik-qurilish institutida “Texnika va texnologiyalar rivojining istiqbollari: muammolar va yechimlar” mavzusidagi xalqaro ilmiy-amaliy konferensiya o‘z ishini boshladi
Konferensiyani institut rektori Sharifjon Ergashev ochib berdi va anjuman ishiga muvaffaqiyatlar tiladi.
Oliy ta'lim, fan va innovasiyalar boshqarmasi boshlig‘i Ilhomjon Satttorov mazkur konferensiya «Innoweek.uz.2023» xalqaro innovasion g‘oyalar haftaligi doirasida o‘tkazilayotgani bilan alohida ahamiyatga ega ekanligini ta'kidladi.
Anjumanda Pokistonning Mehran universiteti, Janubiy Koreyaning Degu universiteti, Belarus' mashinasozlik ilmiy-ishlab chiqarish markazi, Janubiy Qozog‘iston davlat universiteti, Qirg‘izistonning Botken davlat universiteti, shuningdek, Toshkent davlat texnika universiteti, Urganch davlat universiteti va boshqa oliy o‘quv yurtlarining professor-o‘qituvchilari bevosita va onlayn tarzda ishtirok etmoqda.
NamMQI media markazi