Namangan muhandislik-qurilish institutida ota-onalar forumi bo‘lib o‘tdi
Institut birinchi kurs talabalarining ota-onalarini birinchi prorektor Odiljon Jakbarov va Sanoatni axborotlashtirish fakulteti dekani Abdurahim Qahhorov qarshi oldi hamda dastlab talabalar turar-joyida yaratilgan sharoitlar bilan batafsil tanishtirdi.
Mutasaddilar shu yerning o‘zida ota-onalar bilan bo‘lib o‘tgan muloqot davomida institut tarixi va bugungi kuni, mavjud ichki qoidalar, kredit-modul' tizimi, to‘lovlar tartibi haqida ma'lumot berdi.
Institut rektori Sharifjon Ergashev ota-onalar bilan uchrashib, bugungi tashrif uchun minnatdorlik bildirdi. Eng yuqori ballar bilan talabalikka qabul qilingan yoshlarning ota-onalariga tashakkkurnomalar topshirdi.
Shundan so‘ng ota-onalar institutning asosiy korpusida bo‘lib, auditoriya va laboratoriyalar, sport majmuasi va axborot texnologiyalari markazini ko‘zdan kechirdi.
NamMQI media markazi