Namangan muhandislik-qurilish institutida Namangan metallurgiya zavodi rahbari, “Faol tadbirkor” ko‘krak nishoni sohibi Gulbahor Tojimirzayevaning talabalar bilan uchrashuvi bo‘lib o‘tdi
Uchrashuvda Gulbahor Tojimirzayeva so‘zga chiqib, talabalik davri, xorijdagi tahsil davomida olgan saboqlari, bugungi kundagi tadbirkorlik faoliyati haqida hikoya qildi.
Sohada peshqadam korxonalardan biriga aylanishga ulgurgan zavod haqidagi roliklar va slaydlar namoyish etildi.
Shundan so‘ng yoshlar bilan qizg‘in muloqot boshlandi. Aksariyati metallurgiya yo‘nalishida tahsil olayotgan talabalar tadbirkordan o‘zlarini qiziqtirgan barcha savollarga batafsil javob oldi.
Yakunda institut va Namangan metallurgiya zavodi o‘rtasida hamkorlik memorandumi imzolandi. Ushbu memorandum talabalar amaliyoti va kelgusida ishga joylashuvi, zavod ma'muriyati va professor-o‘qituvchilar o‘rtasidagi hamkorlik, kelgusida amalga oshirilishi rejalashtirilgan qo‘shma loyihalarni o‘z ichiga oladi.
NamMQI media markazi