Namangan muhandislik-qurilish institutida Janubiy koreyalik investor, School Foundation Sang Yu xorijiy korxonasi ta'sischisi Hyeon Min Bang bilan uchrashuv bo‘lib o‘tdi
Mazkur investor tomonidan hozirda Yangiqo‘rg‘on tumanida koreys tili va kompyuter texnologiyalarini o‘rgatishga ixtisoslashgan o‘quv markazi tashkil etilgan bo‘lib, kelgusida viloyat hududida xorijiy oliy ta'lim muassasasi faoliyatini boshlash ham rejalashtirilmoqda.
NamMQI prorektorlari Qahramon Inoyatov, Fayzulla Qorayev va boshqa mutasaddilar bilan muloqot chog‘ida koreyalik investor ushbu rejalarni amalga oshirishda institut bilan yaqindan hamkorlik o‘rnatish istagini bildirdi.
Institut mutasaddilari bu borada amaliy aloqalar o‘rnatishga tayyor ekanliklarini bildirib, Janubiy Koreyadagi oliy o‘quv yurtlari bilan qo‘shma dasturlar, professor-o‘qituvchilar va talabalar almashinuvini yo‘lga qo‘yish bo‘yicha takliflarini o‘rtaga tashladi.
Ushbu takliflar investor tomonidan mamnuniyat va qiziqish bilan qabul qilindi.