Namangan muhandislik-qurilish institutida ARTDAY kuni o‘tkazildi
Mazkur tadbirdan ko‘zlangan maqsad talabalarda san'at, xususan, tasviriy san'atga qiziqish uyg‘otish, bu boradagi malakalarini yanada oshirishdan iborat bo‘ldi.
Institut Muhandislik va komp'yuter grafikasi kafedrasi katta o‘qituvchisi Shavkat Tursunov tadbir ishtirokchilariga rangtasvir yo‘nalishlari, rasmlarni chizishda e'tibor beriladigan jihatlar haqida tushunchalar berib o‘tdi.
Shundan so‘ng talabalar mol'bert va mo‘yqalamlar yordamida portret, natyurmort va manzaralar chizishga kirishdi.
Mazkur tadbirda eng faol qatnashgan va ijodiy yondoshgan talabalarga pul mukofotlari va esdalik sovg‘alari topshirilishi ko‘zda tutilgan.
NamMQI media markazi